Azərbaycanlı kulinar İstanbulda yüz kiloluq şah plov bişirib

Azərbaycanlı kulinar İstanbulda yüz kiloluq şah plov bişirib

Azərbaycan milli yeməyini hazırladığına görə kulinar Mirmövsüm Dadaşov Türkiyədə təşəkkür məktubu ilə mükafatlandırıldı

 

Azərbaycanlı kulinar, Azərbaycan Milli Kulinariya Assosiasiyasının üzvü Mirmövsüm Dadaşov İstanbulda 100 kq çəkisi olan şah plov hazırlayıb. Bu barədə Sputnik Azərbaycan-a Assosiasiyasının mətbuat xidmətindən məlumat verilib.

Plovün üzəri milli ornamentimiz olan buta ilə bəzədilib. Dadaşovun sözlərinə görə, Azərbaycanın kulinariya sənətini qardaş ölkədə təqdim etməkdən böyük şərəf və qürur hissi keçirib. Öz şedevrinə görə kulinar Türk Şurasının katibliyinin təşəkkür məktubu ilə mükafatlandırılıb.

Qeyd edək ki, şah plov Azərbaycanın milli yeməyidir və regiondan asılı olaraq, onun çox sayda variantları mövcuddur. Lakin bütün reseptlərdə böyük həcmdə meyvə qurularından, ətdən, düyüdən və ən əsası lavaşdan istifadə olunur. Plovun bütün inqridiyentləri lavaşın arasına bükülərək dəmə qoyulur. Plov hazırlandığı qabdan birbaşa buluda köçürülür. Bu zaman onun büküldüyü lavaş qızarmış olur. Bu qazmaq plova xüsusi görünüş və dad verir.