![Bakı-Quba-Rusiya sərhədi yolu ödənişli olacaq](https://ens.az/images/news/7be6b973bc66701348ee242c8f77e7a8.jpg)
Dərc edildi: Baxış sayı: 566
Bakı-Quba-Rusiya sərhədi yolu ödənişli olacaq
Azərbaycanda bir neçə ödənişli avtomobil yolunun tikintisi nəzərdə tutulur.
Trend-in məlumatına görə, bunu "Azərbaycan Avtomobil Yolları" Dövlət Agentliyinin İdarə heyətinin sədri Saleh Məmmədov mətbuat konfransında deyib.
O bildirib ki, ödənişli yol qismində Ələt-Astara yolu nəzərdə tutulub. Bu yol sürücüyə 39 kilometr məsafəyə qənaət etməyə imkan verəcək.
Bundan başqa, mövcud yola paralel yerləşən və sürücüyə 18 kilometr məsafəyə qənaət etməyə imkan verəcək Bakı-Quba-Rusiya sərhədi yolu da ödənişli olacaq.
S.Məmmədovun sözlərinə görə, Avropada və digər inkişaf etmiş ölkələrdə bu təcrübə geniş yayılıb. Azərbaycanda isə yolların tikintisi və təmiri adətən dövlət büdcəsi hesabına həyata keçirilir.
Şərhlər
Şərhləri göstər Şərhləri gizlət