Bakıda çörək zavodunun əməkdaşı iş yoldaşı tərəfindən qətlə yetirilib

Bakının Sabunçu rayonunda qətl baş verib.

Ens.az Apa.az-a istinadən xəbər verir ki, hadisə Bakıxanov qəsəbəsində qeydə alınıb.

1990-cı il təvəllüdlü Salamzadə Etibar Tahir oğlu işlədiyi "Bakıxanov" çörək zavodunda iş yoldaşı Elşən adlı şəxslə mübahisə edib.

Daha sonra hər iki tərəf zavoddan çıxaraq küçədə əlbəyaxa dava ediblər.

Elşən E.Salamzadəyə bıçaq zərbələri endirib.

Yaralı Etibar Salamzadə xəstəxanaya aparılarkən yolda dünyasını dəyişib.

Faktla bağlı Sabunçu Rayon Prokurorluğunda cinayət işi başlanılıb.