Bakının bir hissəsi qazsız qalıb

Paytaxtın Xətai rayonu ərazisində gün ərzində təbii qazın verilişi dayandırılıb.

“Azəriqaz” ASC-nin mətbuat xidmətinin rəhbəri İbrahim Kərbəlayevin Oxu.Az-a verdiyi açıqlamaya görə, buna səbəb magistral xətlərdə görülən işlərdir:

“Paytaxtın Xətai rayonu ərazisində magistral xətlərdə aparılan işlər səbəbindən gün ərzində ərazidə təbii qazın verilişində məhdudiyyətlər yaranıb. Hazırda ərazidə işlər yekunlaşmaq üzrədir. Günün sonuna qədər təbii qazın verilməsi bərpa ediləcək”.