Bali adası ilin sonunadək bağlı qalacaq

İndoneziyanın Bali adası bu ilin sonunadək xarici turistlər üçün bağlı qalacaq.

Ens.Az Trend-ə istinadən bildirir ki, bunu Bali əyalətinin qubernatoru Vayan Koster deyib.

Bundan əvvəl, adanın sentyabrın 11-də turistlər üçün açılacağı nəzərdə tutulurdu.

Bali adasında koronavirus pandemiyası ilə əlaqədar 3 minə yaxın şəxs turizm sektorunda işini itirib, 73 mindən çox şəxs ödənişsiz məzuniyyətə göndərilib.

Bu günədək İndoneziyada 155 mindən çox koronavirusa yoluxma qeydə alınıb, 6 759 nəfər ölüb.