Barcelona Milan-ın müdafiəçisi ilə maraqlanır

Milan-ın müdafiəçisi Rikardo Rodriqes klubunu dəyişə bilər.

Goal.az xəbər verir ki, İsveçrə yığmasının futbolçusu Barcelona-nın maraq dairəsinə düşüb. Sol cinahda Xordi Alba ilə rəqabət yarada biləcək futbolçu axtaran Kataloniya klubu 26 yaşlı oyunçunu transfer etmək niyyətindədir. Artıq ispan klubunun nümayəndələri Milan rəhbərliyi ilə əlaqə saxlayıb. Ancaq hələlik rəsmi təklif göndərilməyib.

Qeyd edək ki, Rodriqes 2017-ci ildən Milan-da çıxış edir.