Futbol üzrə Çempionlar Liqasının 4-cü tur matçında "İnter" öz meydanında "Barselona" ilə 1:1 hesablı heç-heçə edib. Görüş Milanın "Cüzeppe Meatsa" stadionunda baş tutub.
“Report” xəbər verir ki, matçda hər iki qol ikinci hissənin sonlarından vurulub.
Oyunun 83-cü dəqiqədə Malkom "İnter"in qapıçısını məyus edərək hesabı açıb. Lakin 87-ci dəqiqədə Mauro İkardi ev sahiblərini məğlubiyyətdən xilas edib.
"Barselona" bu nəticə sayəsində turnirin 1/8 final mərhələsində iştirakı özünə təmin etmiş ilk komanda olub. Kataloniya klubu 17-ci dəfə ardıcıl olaraq ÇL-in qrup mərhələsini uğurla adlamağı bacarıb.
"Barselona" hazırda aktivində 10 xalla "B" qrupuna liderlik edir. "İnter" 7 xalla ikinci, "Tottenhem" (4) üçüncü, PSV(1) isə sonuncudur.
Qeyd edək ki, ötən gün futbol üzrə Çempionlar Liqasının qrup mərhələsində IV tura start verilib.
Şərhlər
Hələ təsdiqlənmiş şərh yoxdur.
Şərh yazın
Şərh yazmaq üçün hesabınıza daxil olun və e-poçtunuzu təsdiqləyin.