“Barselona” ən çox izlənilən klub oldu
“YouTube” kanalı fevral ayında ən çox izlənilən dünya futbol klublarının siyahısını açıqlayıb.
Publika.az xarici KİV-lərə istinadla xəbər verir ki, siyahıda birinci yerdə 20 milyon 600 min baxışla İspaniyanın “Barselona” klubu qərarlaşıb. Buna səbəb klubun fevralda 2 dəfə “Real Madrid”lə qarşılaşması olub. Bundan əlavə Kataloniya təmsilçisi bu ayda “Valensiya”, “Atletiko Bilbao”, “Real Valledolid” və “Sevilya” ilə maraqlı oyunlar keçirib.
Siyahıda ikinci pillədə İngiltərənin “Mançester Yunayted” klubu yer alıb. Mançester təmsilçisi 13 milyon 900 min baxış toplayıb. “Mançester Siti” isə 7 milyon 860 min baxış sayı ilə üçüncü olub. “Mançester Siti”dən 340 min baxış geridə olan Fransanın “Paris Sen-Jermen” klubu 7 milyon 520 min göstərici ilə dördüncü, “Liverpul” isə 6 milyon 670 minlə beşinci olub.
Qeyd edək ki, İstanbulun “Fənərbağça” klubu 5 milyon 500 min baxışla onuncu yerdədir.
Şərhlər
Şərhləri göstər Şərhləri gizlət