Bədəninizdə yaranacaq bu 9 problemin səbəbini bilirdinizmi?

Serotonin bizi xoşbəxt edən kimyəvi maddədir və bizə xoş rifah hissi bəxş edir. Bununla birlikdə, onun funksiyaları bu xoş emosional vəziyyətdən çox kənara çıxır. Serotonin beyində bir neyrotransmitter rolunda olmaqdan əlavə qan dövranında əhəmiyyətli hormon rolunu oynayır.

Publika.az xəbər verir ki, serotonin çox sayda müxtəlif bədən və psixoloji funksiyalara təsir edir. Bildiyiniz kimi, sümüklərimizin maddələr mübadiləsində, həmçinin qaraciyərin bərpasında və hətta hüceyrələrin bölünməsində mühüm rol oynayır.

Vücudumuzun bu kimyəvi tərkib hissəsi çox gözəl olduğu qədər maraqlıdır, çünki serotonin sayəsində ümumi sağlamlığımızı təmin edən daxili tarazlığa sahib ola bilərik. Bu komponent bütün proseslərin normal funksiyası üçün vacibdir.

Serotoninin aşağı səviyyəsində olduqda bədənimizdə aşağıdakı mənfi təsirlər özünü göstərir.

1. Serotoninin aşağı olması həzm problemlərinə səbəb olur

Bəlkə də heç vaxt peristaltik haqqında eşitməmisiniz. Bu termin həzm sistemində meydana gələn daralmalara aiddir: qida və mayeləri sistem vasitəsilə hərəkət etdirmək. Yadda saxlayın ki, serotonin səviyyəsi aşağı olduqda, hüceyrələrimiz kifayət qədər kalsium ifraz edə bilmir. Kalsiumun az olması ilə həzm əzələləri zəifləyir və ağırlaşır.

2. Aşağı serotoninin bağırsaqlara təsiri

Bu fakt maraqlıdır: serotoninin demək olar 95% -i bağırsaqlarda ifraz olunur və saxlanılır. Hormonal funksiyaları olan bu maddənin çatışmazlığı bağırsaq funksiyasının dəyişməsinə səbəb ola bilər. Beləliklə, tez-tez qəbizliyə gətirib çıxarır.

3. İmmun sisteminin zəifləməsi

Əgər yorğunluq, əzələ zəifliyi hiss edirsinizsə, pis əhval-ruhiyyədəsinizsə, yoluxucu xəstəliklərdən və soyuqdəymədən daha çox əziyyət çəkdiyinizi hiss edirsinizsə, deməli, serotonin səviyyəsinin aşağı olması immun sisteminin zəifləməsinə təsir edir.

4. Bioloji saatda dəyişikliklər

Serotonin səviyyəsinin aşağı olması yuxu ritmini də dəyişdirə bilər. Simptom gecə deyil, gündüz yuxu hissi ilə özünü göstərir. Ancaq qeyd etmək lazımdır ki, bu gündüz yuxu depressiyanın əlamətidir. Endogen depressiyanın məhz serotonin çatışmazlığından qaynaqlandığı məlumdur.

5. Duzlu yemək istəyi

Bu məlumatlar çox maraq doğurur: bədənində serotonin səviyyəsi az olan insanlar natriuma böyük ehtiyac duyur və bu səbəbdən də duzlu yemək istəyirlər. Bu simptomu ümidsizlik, yorğunluq, həzm problemləri müşayiət edir.

6. Depressiya

Bu barədə danışdıq. Serotonin çatışmazlığı əhvalımızın aşağı düşməsi ilə əlaqələndirilir. Serotonin və depressiyanın inkişafı arasında birbaşa əlaqə var. Bütün bunlar serotonin qəbul etməyən reseptorların sayı azaldıqda və ya əksinə, serotoninin tənzimlənməsinə kömək edən amin turşusu olan triptofanın olmadıqda baş verir.

Bəzi hallarda, məsələn, depressiya yüngül olarsa, qida rasiounu və məşqlər ovqatı yaxşılaşdıra bilər. Lakin bir çox hallarda serotonin səviyyəsini bərpa etmək üçün dərmanlara müraciət etmək lazımdır.

7. Narahatlıq

Bədənimizdə 14 fərqli serotonin reseptoru var və 5-HT 1A bunlardan ən əhəmiyyətlisidir. Onun çatışmazlığı artan həssaslıq, əsəbilik, narahatlıq və gərginlik gətirir. Unutmamalıyıq ki, bir çox hallarda narahatlıq və depressiya kimyəvi mənşəlidir.

8. Miqren

Serotonin baş ağrısı və miqrenin də inkişafında əsas rol oynayır. Buna səbəb isə serotoninin ifrazını dəstəkləyən triptofanın olmamasıdır.

9. Yaddaş problemləri

Diqqətin olmaması, yorğunluq, fikri cəmləşdirə və məlumatları yadda saxlaya bilməmək problemi də serotonin səviyyəsinin aşağı olması ilə əlaqələndirilir. Düzgün qidalanma, məşq və düzgün dərmanlar serotonin səviyyəsini bərpa edə və bir çox sağlamlıq problemindən azad edə bilər.