Bəhreyn Qətərə viza verilməsini dayandırdı

Bəhreyn Daxili İşlər Nazirliyi Qətər vətəndaşlarına viza verilməsini dayandırıb.

“Qafqazinfo”nun xarici mediaya istinadən məlumatına görə, nazirliyin rəsmi açıqlamasında qərarın 5 iyun 2017-ci il Qətərlə diplomatik əlaqələrin kəsilməsi qərarına istinadən verildiyi bildirilib. Manama hökuməti hazırda Bəhreyndə təhsil alan qətərli tələbələrin və viza müddəti bitməyənlərin bu qərardan azad olduqlarını qeyd edib.

Viza qadağasının nə vaxtadək davam edəcəyi barədə məlumat verilməyib.