“Billboard” jurnalı ilin ən yaxşı musiqiçilərini elan edib

“Billboard” jurnalı ilin ən yaxşı musiqiçilərini elan edib

 

Billboard Music Awards mükafatlarının təqdimetmə mərasimində ilin ən yaxşı musiqiçiləri elan edilib.

AZƏRTAC xəbər verir ki, musiqiçilərin tam siyahısı ABŞ-ın “Billboard” jurnalının saytında yerləşdirilib.

“Ən yaxşı artist” kateqoriyasında laureat kanadalı reper və prodüser Drake (Obri Dreyk Qrem) olub. Bu kateqoriyada qələbə uğrunda hip-hop-müğənni Cardi B, pop-ifaçı Ariana Qrande, reper Post Malone və trep-ifaçı Travis Scott da mübarizə aparırdılar.

Drake, həmçinin “Ən yaxşı müğənni”, “Ən yaxşı rep-ifaçı”, “Radioda ən yaxşı artist”, “Ən çox satılan musiqiçi” və daha bir neçə digər nominasiyanın qalibi seçilib. Ariana Qrande “Ən yaxşı qadın müğənni”, reper Juice WRLD (Cared Higgins) “Ən yaxşı yeni artist” elan olunub. “Ən yaxşı rok-façı” nominasiyasında mükafatı Amerikanın Imagine Dragons qrupu alıb.