BMT-də Xankəndi-Ağdam yolundan danışıldı
“Azərbaycan-Ermənistan münasibətlərinin normallaşması prosesinin aktivləşməsini alqışlayırıq”.
Ens.az Qafqazinfo.az-a istinadən xəbər verir ki, bunu Albaniyanın BMT-dəki daimi nümayəndəsi Fərid Hoca BMT Təhlükəsizlik Şurasının Azərbaycanın Qarabağ bölgəsindəki vəziyyətə həsr olunan iclası zamanı bildirib.
Diplomat qeyd edib ki, Xankəndi-Ağdam yolunun istifadəsi variantının nəzərdən keçirilməsi vacibdir:
“Humanitar tələbatlar siyasiləşdirilməməli və digər məsələlərin çözümü üçün sui-istifadə olunmamalıdır. Fikrimizcə, söhbət humanitar məsələdən gedirsə, mümkün olan hər şeyi, bütün variantları nəzərdən keçirmək lazımdır. Bura digər yollar, həmçinin təklif olunan Xankəndi – Ağdam yolu da daxildir”.
Şərhlər
Şərhləri göstər Şərhləri gizlət