Bolton Türkiyəyə getdi – Mühüm səfər

ABŞ prezidentinin milli təhlükəsizlik üzrə müşaviri Con Bolton Türkiyəyə səfər edib.

Axar.az xəbər verir ki, Boltonu ABŞ-ın bir neçə yüksək vəzifəli şəxsləri müşayiət edib.

Boltonun nümayəndə heyətində ABŞ Baş Qərargah rəisi Cozef Danford və ABŞ-ın Suriya üzrə təmsilçisi Ceyms Cefri də yer alıb. Boltonun türk rəsmiləriylə görüşlərində Suriya, FETÖ, PKK, “Patriot” sistemləri və iqtisadi əlaqələr məsələlərinin müzakirə ediləcəyi vurğulanıb. ABŞ nümayəndə heyətinin sabah Türkiyəni tərk edəcəyi bildirilib.