![Bütün dünyanın danışdığı Baş nazir əvvəl DJ olub](https://ens.az/images/news/b3f58067f618a566d227e8798a0d3781.jpg)
Bütün dünyanın danışdığı Baş nazir əvvəl DJ olub
Yeni Zelandiyada 50 müsəlmanın qətlə yetirilməsindən sonra dünya mediasının diqqətini bu ölkənin Baş naziri Jasinda Ardern haqqında məlumatlar zəbt edib.
"Qafqazinfo" xarici KİV-ə istinadən xəbər verir ki, bu dəfə xanım baş nazirinin keçmişdəki işi diqqəti cəlb edib. Məlum olub ki, o, siyasətdən əvvəl DJ-liklə məşğul olub. Professional olaraq bu işlə məşğul olan Ardern 2014-cü ildə Yeni Zelandiyanın Auklənd şəhərində baş tutan festivalda çıxış edib. Baş nazir instaqram hesabında da bu peşəyə olan sevgisini paylaşımlarıyla bildirir. Ardern dj-liyinin yaxşı olub olmaması barədə danışmasa da, izləyiciləri onun mükəmməl olduğunu qeyd edib. Qeyd edək ki, J.Ardern 2017-ci ildə İşçi Partiyasından namizədliyini irəli sürərək seçkiləri qazanıb.
Beləliklə, 37 yaşında dünyanın ən gənc lideri statusunu qazanıb. 2018-ci ilin yanvar ayında həyat yoldaşı Klark Qayforddan övlad dünyaya gətirəcəyini bəyan edərək baş nazirlik vəzifəsindən 6 həftə uzaqlaşıb. Ancaq işinin başına tez qayıtmasıyla rəğbət qazanıb. Ardernin vəzifədə olduğu müddətdə ən böyük imtahanı məsciddə müsəlmanların terror hücumuna məruz qalması olub. Bu böyük böhranı da uğurlu şəkildə idarə edərək dünya miqyasında bəyənilib.
Şərhlər
Şərhləri göstər Şərhləri gizlət