CBC telekanalının 11 yaşı tamam olur

Azərbaycanın ilk beynəlxalq televiziya kanalı olan CBC (Caspian Broadcasting Company) telekanalının yarandığı gündür.

Ens.az Report.az-a istinadən xəbər verir ki,telekanalın 11 yaşı tamam olur.

CBC 2013-cü il aprelin 10-da peyk vasitəsilə yayıma başlayıb.

Rus dilində 24 saat fasiləsiz yayımlanan televiziya kanalı ölkədə və dünyada baş verən hadisələri operativ şəkildə tamaşaçılara çatdırır.

Telekanaldan əlavə, 2021-ci ilin may ayından etibarən Azərbaycanın Qarabağ bölgəsində ilk regional radio kanalı olan CBC FM Azərbaycan, rus və erməni dilində fəaliyyət göstərir.