Cek Madan şok təklif: Həftədə 12 saat işləyək

İnsanlar gərək həftədə 12 saat işləsinlər, onların yerinə isə işlərin böyük hissəsini süni intellekt icra etməlidir.

Axar.az xəbər verir ki, bunu Süni İntellekt Konfransında çıxışı zamanı “Alibaba”nın təsisçisi Cek Ma deyib.

Onun sözlərinə görə, bu göstəriciyə texniki inkişaf və təhsil reformları ilə çatmaq mümkündür:

“Gələn 10-20 il ərzində hər insan, ölkə, hökumət təhsil sisteminin reformuna diqqətini yönəltməlidir ki, bizim uşaqlar həftədə 3 gün 4 saat işləyə biləcəkləri iş tapsınlar. Əgər biz öz təhsil sistemimizi dəyişməsək, problemlərimiz olacaq”.