Çelsi turu qələbə ilə başa vurdu

İngiltərə Premyer Liqasında 33-cü turun daha bir oyunu keçirilib. SİA-nın məlumatına görə, “Çelsi” doğma meydanda “Vest Hem Yunayted”i qəbul edib. Görüşdə sevinən tərəf meydan sahibləri olub. Onlar qonaqların qapısından 2 cavabsız top keçiriblər. Qolların hər ikisinin müəllifi belçikalı legioner Eden Hazard olub. Bu qələbə ilə xallarının sayını 66-ya çatdıran “Çelsi” 3-cü pilləyə yüksəlib. “Vest Hem Yunayted” isə 42 xalla 11-ci yerdədir.

Qeyd edək ki, turnir cədvəlinə 33 oyundan 82 xal toplamış “Liverpul” başçılıq edir. Liderdən bir oyun az keçirmiş “Mançester Siti” isə 80 xalla ikinci yerdədir.