“Çelsi”dən “Bakı qəhrəmanı” haqqında paylaşım
“Sports.ru” xəbər verir ki, videoçarx klubun rəsmi “Twitter” səhifəsində paylaşılıb.
“Çelsi”nin rəsmi akkauntu R.Qrinlə transfer müqaviləsinin imzalanmasının ildönümü münasibətilə “Bakı qəhrəmanı”nın final oyununa verdiyi “töhfə”ni qeyd etmək qərarına gəlib.
Qeyd olunur ki, qapıçı R.Qrin “Çelsi”nin heyətində heç bir oyun keçirməsə də, Bakıda təşkil olunmuş Avropa Liqasının finalından sonra fotojurnalistlərin diqqət mərkəzinə düşüb.
Bəzi idman nəşrləri qapıçının uğurunu “Rob Qrin. Klubda sıfır oyun. Avropa Liqasının qalibi. “Çelsi”nin əsl əfsanəsi” kimi sözlərlə qeyd edib.
R.Qrin videoçarxda deyir ki, onlara əslində oynamayacaq lider lazım idi: “Bu mənim üçün əvəzində nəsə verə biləcəyim şans oldu”.
Xatırladaq ki, mayın 29-da Bakı Olimpiya Stadionunda keçirilmiş Avropa Liqasının final matçında “Çelsi” Londonun “Arsenal” klubunu 4:1 hesabı ilə məğlub edib.
The Hero of Baku became a Blue on this day one year ago!
— Chelsea FC (@ChelseaFC) July 26, 2019
The rest, as they say, is history... pic.twitter.com/Qi9hmd1ts5
Şərhlər
Şərhləri göstər Şərhləri gizlət