Cənubi Afrikada güclü qar yağıb

Cənubi Afrika Respublikasında güclü qar yağıb.

"Report" "The Guardian"a istinadən xəbər verir ki, sosial şəbəkələrdə Afrika qitəsinin tipik sakinlərinin - zürafələrin, antilopların, kərgədanların və fillərin qarla örtülü savannada gəzişdiyi anların şəkilləri yayılır.

Qar örtüyü bəzi yerlərdə 10 santimetrə çatıb.

Əlverişsiz hava ilə əlaqədar Şərqi Keyp əyalətinin avtomobil yollarında hərəkət müvəqqəti dayandırılıb.