Qol.az-ın “De Telegraaf” nəşrinə istinadən yaydığı xəbərə görə, yarımmüdafiəçi 35 yaşında futbolla vidalaşdığını açıqlayıb.
Ötən yay Danimarkanın “Esbyerq” klubu ilə müqavilə bağlayan Van der Vaart zədə səbəbindən bu komandada cəmi 4 oyun keçirib. O, karyerasını bitirməsini də məhz zədə ilə əlaqələndirib:
“Elə indi dayanmalıyam, çünki bura bərpa olunmağa yox, futbol oynamağa gəlmişdim. Oynamaq şansı qazandığım illərə görə təşəkkürümü bildirirəm. Birlikdə oynadığım futbolçulardan, işlədiyim məşqçilərdən, bütün fanatlardan isti münasibət hiss edirəm. Mənim üçün unudulmaz anlar idi”.
Qeyd edək ki, Van der Vaart müxtəlif illərdə “Ayaks”, “Hamburq”, “Real” və “Tottenhem” kimi klublarda forma geyinib. O, Hollandiya millisində 109 oyuna 25 dəfə qol sevinci yaşayıb.
Şərhlər
Hələ təsdiqlənmiş şərh yoxdur.
Şərh yazın
Şərh yazmaq üçün hesabınıza daxil olun və e-poçtunuzu təsdiqləyin.