Dəllək Murad - Yaxşı dur

Sən nüdrətən bir məclisə varanda, 
Yaxşı əyləş, yaxşı otur, yaxşı dur, 
Dindirəndə mərifətdən ver xəbər, 
Görən desin bərəkallah yaxşıdı.

İgidin mərfəti gərək dilində,
Qocanın əsası gərək əlində,
Biqeyrət oğulun ata yerində, 
Qalmağından heç qalmasa yaxşıdı.

Dəllək Murad, bir vaxt gələr qonağın, 
Məsrəf eyləyərsən dügilə yağın,
Cəhd elə ki, tutulmasın qabağın,
Bir şirin dil hamısından yaxşıdı.