Dərdli Nəsib - Çatıb, çatmayıb

Gözəl Kəbətüllah, gələn qurbanın,
Bu qara dəryanda batıb, batmayıb?
Hər iki cavandan murad gözlərəm, 
Nəfsimi eşqinə qatıb, qatmıyıb?!

Zikrində eşqimdi - Eşqimdə Allah,
Bir Rəhmanir-rəhim, salavatullah. 
Ərəfatı çıxan sahibi-sabah, 
Nuri-təcəllaya yetib-yetməyib?!

Baqiyə, ölməzəm! - Aşıq ölərmi? 
Gülümdən qorxanlar haqqa gələrmi? 
Qalü-bəla! Xudam özü bilərmi,
Dərdli Nəsib, günün çatıb-çatmayıb?!