Diplomları Azərbaycanda tanınan Rusiya ali məktəbləri

Rusiyanın hansı ali məktəblərinin Bakı filialları tərəfindən verilən diplomların Azərbaycanda tanındığı məlum olub.

AMVPRESS.AZ-ın Təhsil Nazirliyinin Akkreditasiya və Nostrifikasiyasına istinadən verdiyi xəbərə görə, yalnız aşağıda adları qeyd edilən ali təhsil müəssisələri tərəfindən (göstərilən illər ərzində) verilən diplomlar üzrə alınan ixtisaslar ölkə ərazisində tanınır:

Moskva Dövlət Açıq Universiteti (19.11.2007-ci il - 01.09.2010-cu illər ərzində);

Moskva Əmək və Sosial Münasibətlər Akademiyası (1999-2005-ci illər ərzində). 2006-cı ildən Akademiya Azərbaycan Həmkarlar İttifaqları Konfederasiyasının təsisçiliyi ilə "Azərbaycan Əmək və Sosial Münasibətlər Akademiyası” adı ilə müstəqil ali təhsil müəssisəsi kimi fəaliyyət göstərir;

M.V.Lomonosov adına Moskva Dövlət Universiteti (fəaliyyətə başladığı tarixdən (27.02.2009-cu ildən) etibarən);

İ.M.Seçenov adına Birinci Moskva Dövlət Tibb Universiteti (fəaliyyətə başladığı tarixdən (15.05.2015-ci ildən) etibarən).