Dollu Mustafa - Qadan alım
Seyrağıbın sözü ilə,
Dostun atan, qadan alım!
Ölüncə dönmərəm səndən,
Məni satan, qadan alım!
Bir doymadım şirin sözdən,
Öpmədim yanaxdan, üzdən,
İşarəynən, qaşnan, göznən,
Dostluq qatan, qadan alım!
Mürvət elə gəl insafa,
Sürək sənlə zövqü səfa,
Aşiqinə vermə cəfa,
Qaşı qaytan, qadan alım!
Sinən Savalanın qarı,
Məmən Gürcüstanın narı,
İtgin salıb köhnə yarı,
Əğyar tutan, qadan alım!
Tərlan köilüm qanad çalar,
Sona görsə tora salar,
Axır ki, Mustafa olar,
Sənin butan, qadan alım!
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət