Dövlət bağçalarına güvənirsiniz? – SORĞU
Çalışan və ya məşğul valideynlər əksər hallarda məcburən övladlarını kimlərəsə həvalə edirlər. Bəs uşaqların təlim-tərbiyəsinin və təhlükəsizliyinin əhəmiyyətini nəzərə alsaq, övlad sahibi olub-olmamağından asılı olmayaraq, Bakı sakinləri gələcəyimizi kimlərə etibar edir?
Oxu.Az “ACT Azərbaycan”a istinadən xəbər verir ki, rəyi öyrənilmiş 400 paytaxt sakininin yarıdan çoxu (60%) uşaqların yaxın qohumlara (nənə, xala, bibi) etibar olunmasını doğru sayır. Respondentlərin beşdə biri (21 %) körpələrini kiməsə etibar etmir. Uşaqları dayələrə həvalə edənlər sorğuda cəmi 1% rəy qazana biliblər.
11% respondent üçün uşaqların bağçalara verilməsi məsələdən çıxış yoludur. Bəs körpələri bağçaya verərkən hansı müəssisələrə üstünlük verilir?
Uşaqların bağçalara etibar olunmasını deyənlərin böyük qismi (65 %) yalnız dövlət bağçalarını uşaqlar üçün münasib hesab edir. Respondentlərin beşdə biri (20 %) həm dövlət, həm də özəl bağçaları seçir. Yalnız özəl bağçaları balacalar üçün uyğun hesab edənlər 4 %-dir.
A.M.
Şərhlər
Şərhləri göstər Şərhləri gizlət