Durov istifadəçiləri WhatsApp-ı silməyə çağırdı
Ens.az xəbər verir ki, Telegram messencerinin yaradıcısı Pavel Durov WhatsApp istifadəçilərini mümkün xaker hücumları səbəbindən tətbiqi silməyə çağırdı. Bu barədə o, özünün Telegram kanalında yazıb.
Durovun sözlərinə görə, WhatsApp təkcə istifadəçilərinin mesajlarını qorumur, həm də messencerlə əlaqəli olmayan şəkil və mesajları izləmək üçün troyan atı kimi istifadə olunur. O, qeyd edib ki, proqramın boşluqları xakerlər və dövlət müəssisələri üçün istifadəçilərin şəxsi məlumatlarını açıq şəkildə əldə etməsinə imkan verir. “Xaker sizə sadəcə video göndərməklə məlumatlarınızı əldə edə bilər”, - Durov izah edib.
Onun fikrinci, bunun səbəbi messencerin sahibi olan Facebook-un ABŞ Milli Təhlükəsizlik Agentliyinin məlumat toplama proqramında (PRISM) iştirak etməsidir. “Əgər siz şəkilləriniz və mesajlarınızın bir gün ictimaiyyətə açıq olmasını istəmirsinizsə, siz telefonunuzdan Whatsapp-ı silməlisiniz”, - Durov vurğulayıb.
Şərhlər
Şərhləri göstər Şərhləri gizlət