Elvin Məmmədov zədəsini sağaltdı, Əfran isə...
Topaz Premyer Liqanın 7-ci turunun “Səbail”lə qarşılaşmasından sonra istirahətə buraxılan “Sumqayıt” bu gündən etibarən məşqləri bərpa edib.
Qol.az-ın klubun rəsmi saytına istinadən yaydığı xəbərə görə, komanda Nazim Süleymanovun rəhbərliyi altında səhər məşqini keçirib. Zədəli olan Əfran İsmayılov və milli komandalarda olan Bəxtiyar Həsənalızadə, Süleyman Əhmədov, Yusif Nəbiyev və Süleyman Süleymanov hazırlıq prosesində iştirak etməyib. Rail Məlikov fitness zalında fərdi çalışmalarla kifayətlənib. Elvin Məmmədov isə zədəsini tam sağaldaraq komanda ilə birlikdə məşqlərə başlayıb. Hazırlıq prosesi ərzində müxtəlif toplu çalışmalar edilib. Məşqə ikitərəfli oyunla yekun vurulub.
Qeyd edək ki, milli komandanın oyunları ilə əlaqədar çempionatda yaranmış fasilə müddətində “Sumqayıt” yoxlama görüşü keçirməyi planlaşdırır. Oyunun keçirilmə tarixi və rəqibin kimliyi yaxın günlərdə açıqlanacaq.
Şərhlər
Şərhləri göstər Şərhləri gizlət