Əməkhaqqı kartlarının sayı kəskin artıb

Əməkhaqqı kartlarının sayı kəskin artıb

Azərbaycandakı ödəniş kartlarının sayı artır. Artım daha çox əməkhaqqı kartlarının sayında nəzərə çarpır.

Oxu.Az xəbər verir ki, Mərkəzi Bankın məlumatına görə, 2018-ci ilin dekabr ayının 1-nə cəmi ödəniş kartlarının sayı 6 milyon 476 min ədəd təşkil edib.

Təkcə noyabrda cəmi ödəniş kartlarının sayı 52 min ədəd artıb. Əməkhaqqı kartlarının sayı isə bu ilin yanvar-noyabr aylarında 199 min ədəd çoxalıb.   

Bu ilin oktyabr ayı ilə müqayisədə, noyabrda sosial kartların sayı 13 min ədəd azalaraq, 2 milyon 532 min ədədə düşüb. Həmin ayda əməkhaqqı kartlarının sayı 10 min ədəd artaraq, 2 milyon 41 min ədədə, əməkhaqqı və sosial kart olmayan digər debet kartların sayı 24 min ədəd artaraq, 1 milyon 69 min ədədə, kredit kartlarının sayı isə 32 min ədəd artaraq, 835 min ədədə çatıb.   

İl, ay	Ödəniş kartları ümumi sayı, min ədəd, (dövrün sonuna)	Debet kartları, Sosial kartlar	Debet kartları, Əmək haqqı kartları	Debet kartları, Digər	Kredit kartları
31.12.2017	5800	2535	1827	815	623
2018
01	5820	2517	1842	807	655
02	5890	2522	1880	814	673
03	5933	2513	1893	814	713
04	6022	2511	1890	866	755
05	6072	2513	1878	897	784
06	6112	2521	1877	914	799
07	6174	2521	1908	922	823
08	6224	2505	1930	953	836
09	6357	2547	1941	982	887
10	6424	2545	2031	1045	803
11	6476	2532	2041	1069	835