Ərdoğan bu halda 3-cü dəfə prezidentliyə namizəd ola bilər

Ərdoğan bu halda 3-cü dəfə prezidentliyə namizəd ola bilər

Türkiyə lideri Rəcəb Tayyib Ərdoğanın 31 martda keçiriləcək bələdiyyə seçkilərini özünün son seçkisi adlandırması Türkiyədə müzakirə edilir.

Ens.az Axar.az-a istinadən xəbər verir ki, mövzu ilə bağlı danışan Türkiyənin keçmiş ədliyyə naziri Bəkir Bozdağ da Ərdoğanın qarşıdan gələn yerli özünüidarəetmə orqanlarına seçkilərin onun sonuncu seçkisi olacağını təsdiqləyib.

“Bu seçkilər, Prezidentimizin dediyi kimi, onun son seçkiləridir. Çünki Konstitusiyaya görə, prezidentlik müddəti beş ildir və bir şəxs maksimum iki dəfə prezident seçilə bilər. Bununla belə, Konstitusiyaya görə, parlament prezidentin ikinci müddətində növbədənkənar seçkilərin keçirilməsinə qərar verərsə, Ərdoğan üçüncü dəfə namizəd olmaq hüququ qazanacaq”, – Bozdağ X-də yazıb.