Eriksen ilin ən yaxşısı seçildi

Danimarkada ilin ən yaxşı futbolçusunun adı açıqlanıb.

Goal.az xəbər verir ki, Tottenham-in futbolçusu Kristian Eriksen ölkəsində ötən ilin ən yaxşı oyunçusu seçilib. Bu barədə Danimarka mətbuatı məlumat yayıb.

Eriksen 2013-cü ildən Tottenham-də çıxış edir. Onun London təmsilçisiylə daha 18 aylıq müqaviləsi var.

Qeyd edək ki, 26 yaşlı yarımmüdafiəçi cari mövsümdə Premyer Liqada 18 qarşılaşmada iştirak edərək, 4 qol vurub və 7 məhsuldar ötürmə edib.