Erməni saytı: “Paşinyan yenə yalan danışdı” - Ermənistanda orta əmək haqqı artıb?

Əgər 2019-cu ilin iyul ayında orta əmək haqqı 193 955 dram idisə, 2020-ci ilin iyununda bu rəqəm 198335, 2020-ci ilin iyul ayında artıq 207.795 olub.

Ens.az KONKRET.az-a istinadən xəbər verir ki, Ermənistanın Baş naziri Nikol Paşinyan bu barədə öz Facebook səhifəsində yazıb.

O, həmçinin qeyd edib:

“2020-ci ilin iyul ayında Ermənistanda işləyən vətəndaşların əmək haqqı fondu 127 milyard 391 milyon dram təşkil edib. Bu, işçilərə ödənilən və gəlir vergisinin ödənildiyi məbləğdir. Eyni göstərici 2020-ci ilin iyun ayında 120 milyard 846 milyon dram, 2019-cu ilin iyul ayında isə 117 milyard 627 milyon dram təşkil edib.

Yenilənmiş məlumatlara görə, əgər 2019-cu ilin iyul ayında ümumi əmək haqqı 606.465, 2020-ci ilin iyununda – 609.302 nəfər arasında bölüşdürüldüsə, 2020-ci ilin iyul ayında artıq əmək haqqının paylanmasında 613.062 nəfər iştirak edib”.

News.am saytı bu staistik məlumatlardan sonra Paşinyanın yenə də yalan danışdığını və əvvəllki əməllərindən əl çəkmədiyini vurğulayıb.