Azərbaycanın, azı, 3 şəhərində, 9 kəndində 120 minə yaxın rus vətəndaş yaşayır...
Ermənilər hazırda “Ermənistan” adlanan Qərbi Azərbaycan ərazisindəki Göyçə gölü ətrafında sonuncu boş qalmış rus evini sökməyə hazırlaşır.
Moderator.az xəbər verir ki, bu haqda işğalçı ölkə saytlarından biri məlumat yayıb. “Sevan” gölünün sahilindəki sonuncu rus malakan evini xilas etmək haqda bəyanatı Rusiya-Ermənistan(Slavyan) Universitetinin məzunu, fəal Ani Antonyan verib. Kulturoloq “Sevan sahilində Rusiya incisi"”adlı layihə hazırlamaq qərarına gəlib. Söhbət işğalçı ölkədə mədəni-tarixi rus mərkəzinin yaradılmasından gedir. A.Antonyan bu gün artıq Ermənistan ərazisində rus izinin itdiyini etiraf edərək yazır: “Sevandakı sonuncu rus malakan evini söküb yerində market tikmək istəyirlər...”
Söhbət 1935-ci ildən “Sevan” adlandırılmış “Yelenovka” (1842-1935) şəhərindən gedir. Əvvəllər İrəvan quberniyasının İrəvan qəzasında kənd olmuşdur. Kənd 1842-ci ildə qurulmuşdur. Rusiya çarı I Pavelin qızı Yelena Pavlovnanın adı verilmişdir.
Bu faktı Azərbaycanın əlaqədar qurumları Kremlə, Rusiya Prezidenti V.Putinin nəzərinə çatdırmalıdır. Onu da vurğulamaq lazımdır ki, hazırda heç bir rusun qalmadığı, sonuncu malakan evi də sökülməkdə olan bu məkan – Göyçə gölünün sahili 1828-ci ildə Rusiya tərəfindən işğal edilən İrəvan xanlığının Göyçə mahalının ərazisi olub. 1920-ci ildə isə sovet Rusiyası həmin torpaqları Azərbaycanın digər əraziləri hesabına qondarılmış Ermənistana pay verib.
Onu da xatırlatmaq gərəkdir ki, bu gün Rusiya tərəfindən hərbi-siyasi dəstək göstərilən, Azərbaycan torpaqlarını işğal altında saxlamasına şərait yaradılan Ermənistanda barmaqla sayılası rus qalsa da, Azərbaycanda 120 minə yaxın(2009-cu il) rus vətəndaş yaşayır. Ruslar Bakı, Sumqayıt və Gəncə şəhərlərində, eləcə də kompakt halda İsmayıllı rayonunun İvanovka kəndində, Gədəbəy rayonunun Novosaratovka, Novoivanovka, Qorelsk (indiki Daşbulaq) və Slavyanka kəndlərində, Goranboy rayonunun Rus Borisi kəndində, Şamaxı rayonunun Çuxuryurd, Qızmeydan və Nağaraxana kəndlərində yaşayırlar. Azərbaycan dövləti rusların öz dini və milli adət-ənənələrinin, dillərinin qoruyub saxlaması üçün hər cür şərait yaradıb. Respublika üzrə tədrisi yalnız rus dilində olan 15 ümumtəhsil məktəbi fəaliyyət göstərir.
Şərhlər
Şərhləri göstər Şərhləri gizlət