![Ermənilər təşviş içində: İsrail aprel döyüşlərində Azərbaycana satdığı kamikadze dronların lisenziyasını bərpa etdi](https://ens.az/images/news/0b3004b7314aa0b8dc63ce6f26349cb6.jpg)
Ermənilər təşviş içində: İsrail aprel döyüşlərində Azərbaycana satdığı kamikadze dronların lisenziyasını…
İsrailin Müdafiə Nazirliyi dron ixrac edən “Aeronautics Defense Systems” (ADS) şirkətinin ləğv etdiyi lisenziyanı geri qaytarıb.
Avropa.info “The Times of İsrael”ə istinadən xəbər verir ki, İsrailin Müdafiə Nazirliyi ADS şirkətinin ixrac lisenziyasını dayandırması barədə verdiyi qərarı ləğv edərək, şirkətə dron ixrac etmək üçün lisenziyanı bərpa edib.
“Müdafiə Nazirliyi bəyan edib ki, lisenziyanın dayandırılması ilə bağlı qoyulan qadağa təcili olaraq ləğv edilməlidir. Şirkət yuxarıda adı çəkilən müştəriyə tez bir zamanda dronlarını çatdırmağa başlayacaq”,- “Aeronautics” şirkətinin yaydığı məlumatda qeyd olunub.
Qeyd edək ki, 2018-ci ilin avqustunda şirkət “vacib müştəriyə” Orbiter 1K pilotsuz uçan aparat ixrac etmək lisenziyasından məhrum edilib.
İsrail mətbu orqanı onu da qeyd edib ki, Azərbaycan 2016-ci ilin aprel döyüşlərində İsrail istehsalı olan “Harop” kamikadze dronlarından istifadə edib.
Həmin döyüşlərdə bu kamikadze dronun sayəsində bir əməliyyatda 7 erməni hərbçisi məhv edilmişdi.
“Maariv” mətbu orqanın yazdığına görə, Azərbaycan İsrail istehsalı olan Orbiter 1K kamikadze-dpronları illə maraqlanıb və bununla bağlı ADS şirkətinə müraciət edib.
Şərhlər
Şərhləri göstər Şərhləri gizlət