![Ermənistan yığmasının sabiq qapıçısı: "Bakı təhlükəsiz şəhərdir"](https://ens.az/images/news/3fd91f8fe2d12a1f541bf202307a580e.jpg)
Ermənistan yığmasının sabiq qapıçısı: "Bakı təhlükəsiz şəhərdir"
Futbol üzrə Ermənistan milli komandasının sabiq qapıçısı və hazırda yığmada qapıçılarla iş üzrə məşqçi kimi çalışan Roman Berezovski ilə yunan-Roma güləşi üzrə olimpiya mükafatçısı Miqran Arutyunyan İngiltərə “Arsenal”ının yarımmüdafiəçisi Henrix Mxitaryana Bakıya getməyi məsləhət görüblər.
“Report” “sportnews.am” nəşrinə istinadən xəbər verir ki, erməni idmançılar Avropa Liqasının qrup mərhələsinin II turunda “Qarabağ” ilə Bakıda keçiriləcək oyunda iştirak etməyin Mxitaryan üçün təhlükəsiz olacağını bildiriblər. “Henrix indi iki qərar arasında qalıb. Bakıdakı oyunda iştirak edib-etməmək onun öz işidir. Bu qərar Mxitaryan və UEFA-lıqdır. Mən Bakının Henrix üçün təhlükəsiz olacağını düşünürəm” - deyə Berezovski vurğulayıb.
Arutyunyan isə "Bakı 2015" I Avropa Oyunları vaxtı Azərbaycan paytaxtında olduğunu deyərək, azərbaycanlılara qarşı yaxşı münasibətindən bəhs edib: “Bakıya getmək şansı varsa, Henrix bundan yararlanmalıdır. Onun istədiyi şərtlər yerinə yetirilərsə, niyə də getməsin? Özüm Bakıda olmuşam. Görüşlərdə təzyiq hiss edirsən, böyük tribunalar və bir neçə min insanın əhatəsində olursan”.
Şərhlər
Şərhləri göstər Şərhləri gizlət