Facebook kütləvi məzmun bloklama əməliyyatı başladıb

Ens.az xəbər verir ki, dünyada ən populyar sosial şəbəkə olan Facebook qaydaları dəyişdirir. Beynəlxalq kütləvi informasiya vasitələrinin verdiyi məlumata görə, sosial şəbəkə məzmunun bloklanması prinsiplərini dəyişdirəcək

Facebook -un qurucusu Mark Zukerberq sosial şəbəkəsinin ifadə, fikir və şifrələmə azadlığını dəstəkləmək niyyətində olduğunu və hakimiyyət nümayəndələrinin mümkün mənfi reaksiyasının onları durdura bilməyəcəyini bildirib.

Mark müraciətində yeni bir yanaşma tətbiq etmək niyyətində olduğunu söyləyib. Zukerberq əmindir ki, bu çoxlarını qıcıqlandıracaq, lakin şəbəkə sahibi əvvəlki yanaşmanın da çoxlarını qıcıqlandırdığını və buna görə yenisini sınamağa cürət edəcəklərini vurğulayıb.

Mark əlavə edib ki, Facebook-u getdikcə daha tez-tez məzmunlara senzura tətbiq etməyə çağırırlar və bu, iş adamını inanılmaz dərəcədə pis edir. Bu çağırışlara cavab olaraq, Zukerberq sosial şəbəkəsinin bu andan etibarən yalnız həqiqətən zərərli olan məzmunları bloklayacağına qərar verib. Zukerberqin müraciəti CNN tərəfindən yayımlanıb.

Xatırladaq ki, yanvar ayında Facebook sosial şəbəkəsi xalis mənfəətinin artdığını bildirmişdi. Artım 7 faiz təşkil edib. Bu məlumatlar 2019-cu ilin dördüncü rübü üçün nəticələr hesablandıqdan sonra yayılmışdı. Başqa sözlə, rüb ərzində sosial şəbəkə öz sahibinə əvvəlkindən 7,3 milyard dollar daha çox gəlir gətirib və ümumi gəlir 21 milyard dollar təşkil edib ki, bu da 2018-ci illə müqayisədə 25% çoxdur.

Ancaq qeyd etməyə dəyər ki, bu artım səviyyəsi Facebook şəbəkəsinin bütün tarixi üçün ən aşağı göstəricidir.

Böyümənin yavaşlaması Facebook-un birjadakı səhmlərinin nəinki düşməsinə, demək olar ki, dağılmasına səbəb olub.

Xatırladaq ki, Zukerberqin bu problemləri siyasi qalmaqaldan və konqresdəki aydınlaşdırma müzakirələrindən sonra başlayıb. Facebook-dan əldə edilən məlumatların ABŞ-da seçici elektoratı yönləndirmək məqsədilə istifadə edildiyi və bunun da Trump-ın qələbəsinə səbəb olduğu barədə məlumatlar geniş yayılmış və çoxsaylı istifadəçilər sosial şəbəkə ilə bağlı dərin məyusluq keçirmişdi.