"Fənərbağça" İngiltərə klubunun hücumçusunu heyətinə qatıb

Türkiyənin "Fənərbağça" klubu İngiltərə təmsilçisi "Lester Siti"in futbolçusu İslam Slimanini heyətinə qatıb.

"Report" "Sky Sports"a istinadən xəbər verir ki, İstanbul klubu 30 yaşlı futbolçunun keçidi üçün klubu ilə razılıq əldə edib. Əlcəzair millisinin də şərəfini qoruyan oyunçu icarə əsasında bir il "Fənərbağça"nın formasını geyinəcək.

Təcrübəli forvard yeni klubunda 4,5 milyon avro qazanacaq.

Qeyd edək ki, İslam Slimani 2016-cı ildən "Lester Siti"də çıxış edir.