FHN kiçikhəcmli gəmilərə texniki baxış keçirəcək

FHN kiçikhəcmli gəmilərə texniki baxış keçirəcək

Fövqəladə Hallar Nazirliyi kiçik həcmli gəmilərin istifadəçilərinə müraciət edib.

Nazirliyin mətbuat xidmətindən AZƏRTAC-a bildiriblər ki, müraciətdə FHN-nin Kiçikhəcmli Gəmilərə Nəzarət və Sularda Xilasetmə Dövlət Xidmətində il ərzində kiçikhəcmli gəmilərə texniki baxış keçiriləcəyi qeyd olunub. Bildirilib ki, texniki baxış aşağıdakı cədvələ uyğun keçiriləcək:

Sıra №	Texniki baxışın keçiriləcəyi şəhər və rayonlar	Texniki baxışın keçirilmə vaxtı
1	Xaçmaz, Şabran, Siyəzən, Xızı	11-21 fevral
2	Astara, Lənkəran, Masallı	1-11 aprel
3	Salyan, Neftçala, Şirvan	22-30 aprel
4	Mingəçevir və digər daxili su hövzələri	16-26 sentyabr
5	Bakı şəhəri və Abşeron rayonu üzrə:
5.1	Bibiheybət-Ələt istiqamətində	Hər ayın 2-ci və 3-cü həftəsinin II və III günləri
5.2	Zığ-Pirallahı istiqamətində	Hər ayın 2-ci və 3-cü həftəsinin II və III günləri
5.3	Şimal DRES-Nardaran istiqamətində	Hər ayın 2-ci və 3-cü həftəsinin IV və V günləri
5.4	Goradil-Z.Tağıyev istiqamətində	Hər ayın 2-ci və 3-cü həftəsinin IV və V günləri

Qeyd edilib ki, cədvəldə göstərilmiş günlər hava şəraitindən asılı olaraq dəyişdirilə bilər.