![Flora Kərimova: "Mən heç vaxt Nəsibə xanım Zeynalova səviyyəsinə qalxa bilmərəm"](https://ens.az/images/news/6f9acf0c6d3f55354dc8ecae357ed9f4.jpg)
Flora Kərimova: "Mən heç vaxt Nəsibə xanım Zeynalova səviyyəsinə qalxa bilmərəm"
Gəncə şəhərində "Qaynana-2018" filminin təqdimatı keçirilib. Təqdimat “GanjaMall Cinema +”-da gerçəkləşib. Tədbirdə Xalq artisti Flora Kərimova, aktyor Riad Abdulov və filmin yaradıcı heyəti iştirak edib. Ekran işi barəsində sualları cavablandıran xalq artisti Nəsibə xanım Zeynalovadan sonra bu obrazı canlandırmağın onun üçün çox çətin olduğunu qeyd etdi. Flora Kərimova":"Çox çətin oldu. Mən heç vaxt Nəsibə xanımın səviyyəsinə qalxa bilmərəm. Lakin bu obrazların arasında bir fərq varidi ki bu qaynanalar müxtəlif qaynanalardır. Nəsibə xanım millətimizin yaddaşında xanım-xatın obrazı il qalıb. Mənim obrazım isə ondan fərqlidi. Bu müasir qaynana obrazıdır. Ona görə də sizlərin qarşısına alnı açıq çıxa bilmişəm".
Daha sonra xalq artisti Gəncə ilə bağlı öz təəsüratlarını bölüşüb: "Gəncəni çox sevirəm. Gəncə mənim ürəyimin bir parçasıdır. Buranın ləziz təamları, əsas da qaymaqları, adı və dadı ilə məşhur olan Gəncə dovğasını dadmayıb getmək qəbahət olar. Şəhər günü-gündən gözəlləşir və insanın ruhu dincəlir. Gəncə ilə bağlı mənim unudulmaz xatirələrim var"
Sonra xalq artisti sevənləri ilə şəkillər çəkdirib. Flora Kərimova tamaşaçılarla bərabər filmi izləyib.
Qeyd edək ki, "Caspian Media Group" şirkəti tərəfindən istehsal olunan film müasir qayınananın macəralarından bəhs edir. Filmdə müasir qayınananı tərənnüm edən Canan (Flora Kərimova) oğlunu imkanlı ve elit ailənin qızı ilə evləndirmək istəsə də, oğlu evlərində çalışan qulluqçunun qızına aşiq olur. Elə hər şey də bundan sonra başlayır...
Filmdə baş rollarda Xalq artisti Flora Kərimova, İlham Namiq Kamal, Əməkdar artistlər Gülşad Baxşıyeva, Kəmalə Məmmədova, aktyorlar Elməddin Cəfərov, Riad Abdulov, Sevinc Əliyeva, nigerilayı Azum Ogaçukva və digər tanınmış aktyorlar çəkilib.
Mənbə: 101.az
Şərhlər
Şərhləri göstər Şərhləri gizlət