Fransa erməniləri Paris merinə namizədin Azərbaycanla münasibətlərindən narahatdırlar

Paris merinə namizəd Rəşidə Dati Azərbaycanla sıx əlaqələrə malikdir. Erməni mətbuatının məlumatına görə, "Marianne" onlayn platformasında dərc olunan məqalədə Fransa Erməni Təşkilatları Koordinasiya Şurasının sədri Murad Papazyan, " Nouvelles d'Arménie" Jurnalının baş redaktoru Ara Toranian və İle-de-Fransa Şəhər Şurasının üzvü Patrik Karam bununla bağlı narahatlıqlarını ifadə ediblər.

Məqalədə qeyd olunur ki, Dati Azərbaycanla və ölkənin hakimiyyət orqanlarında təmsil olunan şəxslərlə sıx əlaqələri ilə tanınır. O, Fransada Azərbaycanın Dostları Dərnəyinin üzvü olub.

"Xatırladaq ki, 2017-ci ildə Bakıya dəstək verdiyini bəyan edən Madam Dati, Avropa Parlamentində Azərbaycanın Avropa siyasətçiləri ilə münasibətlərinin tənzimlənməsində vasitəçi olub" deyə məqalədə deyilir.

Rəşidənin Azərbaycanla yaxınlığı 2011-ci ildə ölkənin birinci xanımı Mehriban Əliyevanın şərəfinə böyük bir partidə iştirak etdiyi zaman açıqlanmışdı. Paris merinə namizəd 2016-cı ildə aprel döyüşlərindən sonra Azərbaycan tərəfindən açıq şəkildə Dağlıq Qarabağda yaşayan ermənilərə qarşı bəyanatlar verirdi.

Məqalə müəllifləri Rəşidə Dati-nin Azərbaycan hakimiyyəti ilə münasibətlərinə son qoyacağına ümid etdiklərini bildiriblər.

Fransada yerli seçkilər 15-22 mart tarixlərində keçiriləcək. Raşidə Dati ilə yanaşı, Paris meri vəzifəsinə daha iki namizəd mübarizə aparır. Namizədlərdən biri Ermənistanda olduğu müddətdə ermənipərəst təşəbbüslərlə çıxış edən hazırkı bələdiyyə başçısı Ann Hidalqo, ikinci namizəd isə Fransanın keçmiş səhiyyə naziri Annez Buzindir. Onun namizədliyini prezident Eemmanuel Makronun partiyası irəli sürüb.

Mənbə: armenpress.am