Fransa-Qafqaz dostluq qrupunun üzvləri Şəhidlər Xiyabanını ziyarət ediblər

Bakıda səfərdə olan Fransa Senatının Fransa-Qafqaz dostluq qrupunun sədri və Azərbaycan üzrə sədr müavini Alen Uperin başçılıq etdiyi nümayəndə heyəti Şəhidlər Xiyabanını ziyarət edib. 

APA-nın xəbərinə görə, Fransa-Qafqaz dostluq qrupunun üzvləri Azərbaycanın müstəqilliyi, ərazi bütövlüyü uğrunda canlarından keçmiş şəhidlərin xatirəsini ehtiramla yad edib, məzarları üzərinə gül dəstələri düzüblər.