Fritz Ştuxlik beynəlxalq turnirə təyinat aldı

AFFA-nın Hakimlər Komitəsinin sədri Fritz Ştuxlik beynəlxalq turnirə təyinat alıb.
 
Qol.az-ın AFFA-nın saytına istinadən yaydığı xəbərə görə, martın 20-dən 26-dək Xorvatiyada keçiriləcək 19 yaşadək futbolçulardan ibarət komandalar arasında Avropa çempionatının elit-raund mərhələsinin 3-cü qrupunun oyunlarının hakim-inspektoru F.Ştuxlik olacaq.

Qeyd edək ki, 3-cü qrupda Almaniya, Xorvatiya, Norveç və Macarıstan yığmaları mübarizə aparacaq.