![Gəlir vergisinin ləğvi işləyənlərin maaşına təsir edəcək?](https://ens.az/images/news/231e4c295066e2b059366edffcbd23dc.jpg)
Gəlir vergisinin ləğvi işləyənlərin maaşına təsir edəcək?
Bəs sosial ödənişlər neçə faiz olacaq? Dəyişiklik əmək haqlarına necə təsir edəcək? Növbəti ildən ölkə üzrə tətbiqi nəzərdə tutulan icbari tibbi sığorta ödənişləri də sosial ödənişlərə daxildirmi?
Iqtisadçı Vüqar Bayramov bildirib ki, sosial ödənişlərin məbləğinin 10,5 faiz olacağı təxmin edilir:
![](http://modern.az/uploads/Vuqar_Bayramov.jpg)
V.Bayramov tətbiqi 2019-cu ildən nəzərdə tutulan icbari tibbi sığorta ilə bağlı ödənişlərin sosial vergiyə daxil edilməsinə də aydınlıq gətirib:
“Hələlik layihə parlamentə daxil olmayıb. Ümumilikdə icbari tibbi sığortanın tətbiqinin reallaşıb-reallaşmayacağı da başqa bir müzakirə mövzusudur. Ona görə güman edirəm ki, reallaşacağı təqdirdə, 10 faiz+8 manat (rəqəm dəyişə bilər) olacaq. Gözlənilir ki, ikinci hissədəki rəqəm icbari tibbi sığorta ödənişi, 10,5 faiz isə sosial vergi olacaq”.
Ekspert qeyd edib ki, əmək haqqı 8 min manatadək olanların gəlir vergisindən 100 faiz azad edilməsi, qismən də olsa, maaş artımına səbəb olacaq:
“Amma burada əsas məqsəd sahibkarların əmək müqaviləsi bağlamasına marağın artırılmasıdır. Çünki 22 faiz+3 faiz+14 faizlik vergi 39 faiz ödəniş deməkdir. Yəni sahibkar əmək haqqı fonduna 39 faiz ödəniş edirdi. Bütün hallarda sosial ödənişlər gəlir vergisindən azdır və vətəndaş üstünlük əldə edəcək. Dediyim kimi, əsas məqsəd sahibkaları əmək müqaviləsi bağlanmasında maraqlı etməkdir. İndiki halda xüsusilə qara mühasibatlıq çoxdur. Yəni işçinin maaşı rəsmi olaraq az göstərilir. Dəyişikliklər isə əmək münasibətlərinin leqallaşdırılmasına imkan verəcək və “qara mühasibatlıq”ı xeyli dərəcədə azaldacaq”.
Mənbə: Fins.az
Şərhlər
Şərhləri göstər Şərhləri gizlət