Gəmi təmirçilərinə yubiley medalı təqdim olunub

“Azərbaycan Xəzər Dəniz Gəmiçiliyinin 160 illiyi (1858-2018)” Azərbaycan Respublikasının yubiley medalı ilə təltif edilən ASCO-nun “Bibiheybət” Gəmi Təmiri Zavodunun  əməkdaşlarına medalların təqdimetmə mərasimi keçirilib.

Tədbirdə ölkədə dəniz nəqliyyatı o cümlədən  gəmi təmiri və tikintisi sahələrinə göstərilən qayğıdan danışılıb. Qeyd olunub ki,  bu gün ASCO-nun gəmi təmiri potensialının gücləndirilməsi işi uğurla davam etdirilir. Zavodlar müasir avadanlıq və texnikalarla təchiz olunur. Güclü kadr potensialı yaradılıb.

ASCO-nun sədri Rauf Vəliyevin sərəncamına əsasən “Azərbaycan Xəzər Dəniz Gəmiçiliyinin 160 illiyi (1858-2018)” Azərbaycan Respublikasının yubiley medalına layiq görülən zavod əməkdaşlarına  medallar təqdim olunub, onlara gələcək fəaliyyətlərində uğurlar arzulanıb.