Gözə nəsə düşəndə neyləmək lazımdır?

Həkimlərin də dediyi kimi, göz, onunla yanlış davranmaq və ya bir şey olmamış az qala yumruqla onu ovuşdurmağa başlamaq üçün olduqca zərif bir orqandır. 

Ümumi tövsiyələr

Tuş fırçası, budaq və ya dırnaq gözün səthinə zərər verə bilər, bu baş verdikdə güclü yanma hissi və narahatlıq hiss edəcəksiniz, ancaq əgər cızıq kiçik olarsa, heç bir şey hiss etməyəcəksiniz. Buna görə də, ən etibarlı yol, özünüzü mütəxəssisə göstərməkdir . Doktor infeksiyanın inkişafının və yara izlərinin qarşısını alacaq damcı və ya məlhəm təyin edəcək.

Gözdə xarici bir cisim qalıbsa, heç bir halda göz qapaqlarını ovuşdurmayın. Həmin maddə selikli qişanı cıza və ciddi fəsadlar yarada bilər. Ümumən, gözünüzə əlinizi yumadan toxunmayın. Selikli qişasını çirkli su ilə yaxalamayın. Pinset, diş çöpü və ya başqa sərt əşyalardan istifadə etməyin: onlar asanlıqla zərif toxumalara xəsarət yetirə bilər.

Gözün səthinə xəsarət yetirən və su ilə yuyulmayan bir şeyi çıxartmağa çalışmayın. Bu vəziyyətdə dərhal həkimə müraciət etməlisiniz.

Kontakt linzalarında olsanız, gözlərinizi yumayın. Əvvəlcə onları çıxarın.

Kimyəvi aktiv maddə gözə düşsə nə etməli

Əlləri yaxşıca yuyun. Onda sabun və ya gözə düşən maddənin izlərinin olmadığından əmin olun.

Linzaları çıxarın və atın. Linza maddəni özünə hopduraraq göz səthini qıcıqlandıra bilər.

15-30 dəqiqə ərzində gözünüzü su ilə yuyun. Narahatlıq davam edərsə, həkimə müraciət edin. Hər ehtimal üçün gözünüzə daxil olan maddənin bir nümunəsini götürün.

Əgər konyunktivə yapışqan düşərsə, özünüz çıxartmağa çalışmayın: bunu yalnız oftalmoloq etməlidir. Gözlərinizi yuyun və onun yanına gedin.

Xarici bir cisim gözə düşərsə nə etməli

Əllərinizi yaxşıca yuyun. Xarici cismi tapmaq üçün gözün selikli qişasını müayinə edin.

İti olmayan əşyalar (kiprik, saç, makiyaj hissəcikləri) suya batırılmış bir pambıq çubuqla çıxarıla bilər. Əgər saç açıq rəngdədirsə və tapa bilmirsinizsə, gözlərinizi yuyun.

Kəskin əşyalara (yonqar, şüşə, böyük qum dənəciyi) toxunulmamalıdır, çünki gözün toxumalarını cızır və görmə itkisi də daxil olmaqla ciddi fəsadlara yol aça bilər. Üst göz qapağını bir az çəkin və su ilə yuyun. Bunun üçün göz vannası, adi bir stəkan və ya butılkadan istifadə edə bilərsiniz.

Əgər predmet yuyulmursa və ya çıxardıqdan sonra da narahatlıq qalsa, gözü tənziflə sarıyın və dərhal yaxınlıqdakı oftalmoloqla əlaqə saxlayın və ya təcili yardım çağırın. Heç bir halda gözün üstündən basmayın.

Yalnız bir həkim gözlərinizin normal olduğunu təyin edə bilər. Buna görə də, hətta xarici cismi çıxartmağı bacarsanız belə, oftalmoloqa müraciət edin.

Həkimə necə müraciət etmək olar

Əgər görə və özünüz gedə bilsəniz, ən yaxın oftalmoloqa yollanın. Tünd eynək taxın və ya gözlərinizi tənziflə örtün, pasportunuzu və əgər varsa, sığorta kağızınızı götürün.

Təcili bir vəziyyətdə (xəsarətlər, yaralanmalar, kimyəvi və termal yanıqlar, gözə daxil olan xarici cisimlər, qəfil ağrı, kəskin azalma və ya görmə itkisi) sizi növbədən kənar qəbul edəcəklər. Hansısa talona ehtiyac yoxdur.

Gözləriniz sulanırsa, bərk ağrıyırsa və ya ətrafınızdakı dünyanı tam görmürsünüzsə, təcili yardım çağırın.

Göz sağlamlığını necə qorumaq olar

Daş, ağac, metal, qum, reagentlər, avtomobil akkumlyatorları və s. ilə işləyərkən təhlükəsizlik eynəyi taxın.

İçərisində kimyəvi maddə olan banka və bağlamanı gözünüzə yaxınlaşdırmayın.

Təmizləyici məhsullardan istifadə edərkən əlcək geyinin, sonra selikli qişalarınıza kimyəvi maddələr salmamaq üçün əllərinizi sabun və su ilə yuyun.

Bütün məhsulları uşaqların əli çatmayan yerdə saxlayın.

Görmə qabiliyyətinizi ildə bir dəfə, əlverişsiz və zərərli iş şəraitində - ildə iki dəfə yoxladın.

Mənbə: www.med2.ru