“Gözümdən yaş axırdı ki, ailə qurmaq istəmirəm” – Xalq artistindən etiraf

"Bacılarımın da, mənim də gözümüzdən yaş axırdı ki, biz ailə qurmaq istəmirik".

Publika.az xəbər verir ki, bu sözləri Xalq artisti, tanınmış xanəndə Gülyaz Məmmədova “ARB Günəş” in “Mən məktəbli ikən” telelayihəsində məktəb xatirələrini bölüşərkən deyib. Şəki rayonunun Böyük Dəhnə kənd orta mətəbində təhsil alan müğənni bildirib ki, həmin dövrdə kənd yerində oxumaq asan olmayıb:

“Geniş ailə olduğumuzdan, böyük bacılarımın paltarlarını geyinirdik. Bir–birimizin paltarı ilə, çantası ilə böyümüşük”

İlk dərs gününü xatırlayan Gülyaz xanım deyib ki, uşaq vaxtı onu evdə “Gilas” deyə çağırırmışlar. Anası o birinci sinfə başalayanda digər bacılarına tapşırıb ki, məktəbdə onu öz adı ilə çağırsınlar.

Gülyaz xanım deyib ki, həmin dövrdə kənddəki qızların əksəriyyəti onuncu sinfə çatan kimi ailə qururdular:

“Onuncu sinfə çatan kimi elçilər qapını kəsdirirdi və qızları ərə verirdilər. Bacılarımın da, mənim də gözümüzdən yaş axırdı ki, biz ailə qurmaq istəmirik. O vaxt oxumağa yaxşı baxmırdılar. Qarşıma məqsəd qoydum ki, mən oxuyacam və ailəm də mənə dəstək oldu”.