“Azərbaycan tolerant dövlətdir. Ölkəmizdə çoxlu kilsələr, məscidlər, sinaqoqlar var”.
Ens.az APA-nın məlumatına istinadən xəbər verir ki, bunu Gəncədə jurnalistlərə açıqlamasında İmamzadə ziyarətgahının mütəvəllisi, Qafqaz Müsəlmanları İdarəsi sədrinin Qərb bölgəsi üzrə səlahiyyətli nümayəndəsi Hacı Tahir Abbasov deyib.
O bildirib ki, Gəncə şəhərində IX əsrdən qalma İslam Peyğəmbərinin 5-ci nəvəsinə məxsus məscid zərər görüb: “Eyni zamanda Gəncə şəhərində əsr yarım yaşı olan provaslav kilsəsinin ətrafına düşən raket zərbələrindən kilsə də zərər görüb. Bu da onu göstərir ki, ermənilər heç bir dinə, inanca baxmır”.
