Hacıqabulda doqquz ayda 6 min tona yaxın ət istehsal olunub

Hacıqabulda doqquz ayda 6 min tona yaxın ət istehsal olunub

Hacıqabulda heyvandarlıq əsas təsərrüfat sahələrindədir. Rayonda aqrar sektorun digər sahələri ilə yanaşı, heyvnadarlığın inkişafına xüsusi diqqət yetirilir. Bunun sayəsində mal-qaranın sayı, ət və süd istehsalı ilbəil artır.

Rayon Dövlət Aqrar İnkişaf Mərkəzindən AZƏRTAC-ın bölgə müxbirinə bildiriblər ki, hazırda ayrı-ayrı heyvandarlıq və fərdi təsərrüfatlarında 39 min 125 baş iribuynuzlu mal-qara və 337 min 523 baş qoyun-keçi var. Təsərrüfatlarda mal-qaranın və davarların baş sayının artırılması ət, süd və yun istehsalına da təkan verir.

Cari ilin doqquz ayı ərzində rayonda diri çəkidə 5 min 989 ton ət 13 min ton süd, 229 ton yun istehsal edilib ki, bu da ötən ildəkindən xeyli çoxdur.