Hakerlər "Bluetooth" vasitəsilə insanları izləyə bilərlər - XƏBƏRDARLIQ
Belçikadakı Leuven Universitetinin tədqiqatçıları hakerlərin istifadəçiləri izləməsinə və ya dinləməsinə imkan verə biləcək bir çox "Bluetooth" aksesuarında ciddi qüsur aşkar ediblər.
Ens.az Oxu.az-a istinadən xəbər verir ki,bu barədə "PhoneArena" kibertəhlükəsizlik mütəxəssislərinə istinadən məlumat verib.
"WhisperPair" adlandırılan bir sıra zəifliklər "Sony", JBL, "Marshall", "Xiaomi" və "Nothing" kimi bir sıra məşhur qulaqlıq modellərində aşkar edilib.
Hakerlər smartfonun qulaqlıqları dərhal tanımasına və onlara qoşulmasına imkan verən mexanizmdən istifadə edə bilərlər. Bu protokol olduqca rahat və sürətli olduğundan, güclü identifikasiya tələb etmir.
Tədqiqatçılar aşkar ediblər ki, hakerlər "Bluetooth" diapazonunda (təxminən 15 metr) başqasının cihazına gizli qoşula bilərlər. Qoşulduqdan sonra onlar dinamiklər vasitəsilə səsi yaza, hətta insanın yerini izləyə bilərlər.
Şərhlər
Şərhləri göstər Şərhləri gizlət