“Honor 8X” artıq Bakıda

“Qafqazinfo” xəbər verir ki, “İrşad Electronics” şirkəti yerli telefon bazarında öz yerini “Honor” telefonları ilə möhkəmləndirir. 3 ay əvvəl Çinin keyfiyyətli ağıllı telefon istehsalçısı “Honor”un eksklüziv distribütoru olan “İrşad Electronics”, bu gündən yeni “Honor 8X” telefonunun da satışına başlayır.

4 Noyabr 2018-ci il tarixində “Bulvar” oteldə “İrşad Electronics” şirkəti tərəfindən “Honor 8X” telefonunun təqdimatı keçirilib. Təqdimatda şirkətin 700 civarında olan dilerlərinin nümayəndələri iştirak edib.

“HONOR” ÖZÜNÜ DOĞRULDUB”

Təqdimatdan öncə “İrşad Electronics” şirkətinin Marketinq şöbəsinin rəhbəri Elnur Kərimov bildirib ki, respublikamızda “Honor” telefonlarının pərakəndə satışı ilə bərabər topdan satışını da “İrşad Electronics” şirkəti həyata keçirir:

“Çinin “Honor” şirkəti 2013-cü ildə fəaliyyətə başlayıb. Artıq şirkətin telefonları Çin, Hindistan, Rusiya, İtaliya, Finlandiyada satış lideridir. Ötən il ABŞ-da "Black Friday"də “Honor” telefonlarının satışı ciddi artım göstərdi. “Honor” özünü doğruldub”.

SATILAN HƏR 10 TELEFONDAN 5-İ “HONOR”DUR

Elnur Kərimov əlavə etdi ki, “Honor” telefonları artıq bir çox Azərbaycan alıcısına məlumdur. Hazırda  “Honor 7A” , “Honor 7A  Pro”, “Honor 7C”, “Honor 7C Pro”, “Honor 9 Lite” və “Honor 10”  telefonları satışdadır. Noyabrın 5-dən isə “Honor 8X” modelinin satışı başlayacaqdır:

“Hazırda “İrşad Electronics” ən çox “Honor” telefonlarını  satır. Belə ki, satdığımız telefonların təxminən 50%-i “Honor” markasına aiddir. Hədəfimiz “Honor”u cəmi satışlarımızın 70%-nə qaldırmaqdır”.

“HONOR”UN DAHA ÇOX SATILMASININ 2 SƏBƏBİ

Elnur Kərimov  qeyd etdi ki, “Honor” telefonlarının daha çox satılmasının 2 səbəbi var:

“Birincisi geniş funksiyalı telefonları münasib qiymətə təklif edirik. Markanın ən güclü modeli “Honor 10”dur. 999 manata satdığımız “Honor 10” modeli bazardakı 1500 manatlıq telefonların parametrlərinə malikdir. Bu gün təqdim etdiyimiz “Honor 8X”in satış qiyməti  isə 599 manatdır. Buna baxmayaraq satışdakı təxminən 800 manat civarında olan telefonların parametrlərinə malikdir. Ümumiyyətlə, “Honor” telefonlarının qiymətləri 269 mantdan başlayır. Ən ucuz model “Honor 7A”dır.

Satışın artmasının ikinci səbəbi davam edən kampaniyadır. Kampaniyanın şərtlərinə görə,“Honor” telefonlarını ilkin ödənişsiz, faizsiz və komissiyasız 12 aylıq hissə-hissə ödənişlərlə təklif edirik. Bundan başqa, “Kapital Bank” ilə də əməkdaşlıq edirik. Belə ki, Noyabr ayının sonunadək “1 Kart”lılar “Honor” telefonunu nağd qiymətinə 18 ay hissə-hissə ödəməklə əldə edəcəklər.

ÇƏRÇİVƏSİZ EKRAN, 20 MEQAPİKSEL KAMERA...

Çıxışlardan sonra “Honor 8X” smartfonu təqdim edildi. Bildirildi ki, ilk dəfə 2018-ci ilin Sentyabr ayında, Rusiyada isə Oktyabr ayında təqdim edilmiş “Honor 8X” telefonu mükəmməl dizaynı və çərçivəsiz ekranı ilə diqqəti cəlb edir. 6.5 düymlük ekranda 2340 x 1080 piksel (Full HD) təqdim edən "Honor 8X" modeli, “Hisilicon Kirin 710” (12 nm) prosessoru ilə təchiz edilib. Bu prosessor sayəsində telefon sürətli çaılışır.

Cihaz 4 GB ve 6 GB-lıq RAM, 64 GB və 128 GB-lıq daxili yaddaşlı olmaqla 2 variantdadır.Telefonun arxasında 20 + 2 meqapiksel cüt, önünüdə isə 16 meqapiksel F2. 0 selfi kamerası var. Telefon ilə keyfiyyətli fotolar çəkmək mümükündür.

"Honor 8X"in bəzi xüsusiyyətləri:

-Kirin 710 prosessoru, Mali-G51 MP4 GPU

-4GB/6GB RAM,  64GB/128GB yaddaş yeri

-6,5 düym (2340×1080 piksel) Full HD+ ekran

-Android 8.1 Oreo əməliyyat sistemi

-20MP, f/1.8 diafraqma + 2MP cüt arxa kamera

-12MP, f/2.0 diafraqmalı ön kamera

-4G VoLTE, Wi-Fi 802.11 ac (2.4GHz / 5GHz), Bluetooth 5, GPS + GLONASS

-3750mAh sürətli enerji yığımaq xüsusiyyətinə malik batareya