İlham Əliyev dövlət aqrar inkişaf mərkəzləri ilə bağlı fərman imzaladı

İlham Əliyev dövlət aqrar inkişaf mərkəzləri ilə bağlı fərman imzaladı

Prezident İlham Əliyev dövlət aqrar inkişaf mərkəzlərinin yaradılması barədə fərman imzalayıb.

Yenicag.az xəbər verir ki, fərmana görə, Kənd Təsərrüfatı Nazirliyinin yerli bölmələrinin vahid idarəçiliyinin təmin edilməsi və koordinasiyasının səmərəli təşkili, aqrar sahədə xidmətyönlü fəaliyyətin qurulması, fermerlərlə işin gücləndirilməsi, elektron xidmətlər və innovativ texnologiyadan istifadə ilə bağlı maarifləndirmənin həyata keçirilməsi, kənd təsərrüfatı istehsalçılarının fəaliyyətinin istiqamətləndirilməsi məqsədi ilə Nazirliyin rayon və şəhər idarələri əsasında dövlət aqrar inkişaf mərkəzləri yaradılır.

Kənd Təsərrüfatı Nazirliyi dövlət aqrar inkişaf mərkəzlərinin əsasnaməsini təsdiq etməli, onların fəaliyyətinin monitorinqi və qiymətləndirilməsi ilə bağlı müvafiq sistemin qurulmasını təmin etməlidir.